नागरिकलाई निर्घात कुटपिट गर्ने जनप्रतिनिधिलाई कारबाही गरिनुपर्छ : विश्वप्रकाश शर्मा

जाजरकोटको जुनिचाँदे गाउँपालिका-२ मजकोटका वडाध्यक्ष रामबहादुर नेपालीले गरेको अत्याचारलाई लिएर नेपाली कांग्रेसका प्रवक्ता विश्वप्रकाश शर्माले आपत्ति जनाएका छन्।

नेपाल समय | बुधबार, साउन २०, २०७८

नेपाल समय

बुधबार, साउन २०, २०७८

नागरिकलाई निर्घात कुटपिट गर्ने जनप्रतिनिधिलाई कारबाही गरिनुपर्छ : विश्वप्रकाश शर्मा

काठमाडौं- जाजरकोटको जुनिचाँदे गाउँपालिका-२ मजकोटका वडाध्यक्ष रामबहादुर नेपालीले गरेको अत्याचारलाई लिएर नेपाली कांग्रेसका प्रवक्ता विश्वप्रकाश शर्माले आपत्ति जनाएका छन्।

वडाध्यक्ष नेपालीले सोही गाउँका सर्पे दमाईंलाई डोरीले बाँधेर कुटपिट गरेको घटनाप्रति शर्माले आपत्ति जनाएका हुन्। उनले सामाजिक सञ्जालमा लेखेका छन्, 'जाजरकोट जुनिचाँदेको घटना निन्दनीय छ। असहाय नागरिकलाई डोरीले बाँधेर निर्घात कुटपिट गर्ने जनप्रतिनिधि जुनै दलका हुन्, कानुनी दण्डको भागिदार बन्नैपर्छ।'

उनले घटनाप्रति गृहमन्त्री बालकृष्ण खाँणको ध्यानाकर्षण गराउँदै लेखेका छन्- 'यस्तो अमानवीय प्रवृत्ति निरुत्साहित गर्न दल र समाजको एक्यवद्धता जरुरी।'

सामाजिक सुरक्षा भत्ता अनियमितताको आरोप लगाएपछि वडाध्यक्ष नेपालीले सर्पेलाई बाँधेर कुटपिट गरेका थिए।

प्रकाशित: Aug 04, 2021| 09:44 बुधबार, साउन २०, २०७८