आर्थिक अभावले उत्तरप्रदेशमा एकै परिवारका ४ जनाले रोजे मृत्यु

एजेन्सी- भारतको उत्तर प्रदेशमा एकै घरका चार जना मृत अवस्थामा भेटिएका छन्।

उत्तर प्रदेशको शाहजहापुरको कच्चा कटराका औषधि पसले अखिलेश गुप्ताको परिवारका चारै सदस्य मृत अवस्थामा भेटिएका भारतीय सञ्चार माध्यमले जनाएको छ।

मृत गुप्ताको साथमा आर्थिक समस्याका कारण आत्महत्या गर्नुपरेको सुसाइट नोट भेटिएको छ। ४३ वर्षका गुप्तासहित ४० वर्षीया श्रीमति रिसु गुप्ता, १२ वर्षीय छोरा शिवाङ्ग र ६ वर्षीया छोरी अभिजिता मृत भेटिएको जनाइएको छ।

अखिलेशले गत वर्षको दीपावलीमा नयाँ घर बनाई गृह प्रवेश गरेका थिए। नयाँ घरमा सरिसकेपछि आफूलाई आर्थिक संंकट परेको उनको नोटमा भेटिएको छ।

सोमबार दिउँसो छिमेकी गुप्ताको घरमा जाँदा उनीसहित सपरिवार झुन्डिएको अवस्थामा फेला परेका थिए।
अखिलेश गुप्ता र श्रीमति रिशु गुप्ता एउटा कोठामा झुन्डिएका थिए भने छोरा शिवाङ्ग र छोरी अभिजिता पूजा कोठामा झुन्डिएका थिए।

प्रहरीले फरिदपुरबाट आफन्तलाई बोलाएर सोधपुछ गरिरहेको छ।