काठमाडौं– मानव बेचबिखन तथा ओसारपसार गरेको आरोेपमा प्रहरीले कैलालीबाट एक जनालाई पक्राउ गरेको छ।
कैलालीको गोदावरी नगरपालिका–२ अत्तरियास्थित मिट प्वाइन्ट होटलका सञ्चालक दानबहादुर साउदलाई प्रहरीले मानव बेचबिखनको आरोपमा पक्राउ गरेको हो।
साउदले होटलमा काम लगाइदिने भन्दै दुई जना महिलालाई जेठ ९ गतेदेखि १९ गतेसम्म होटलमा राखी अनैतिक क्रियाकलाप तथा शारीरक सम्पर्क गर्न लगाउने कार्य गरेका थिए।
काम लगाइदिने भन्दै होटलमा अनैतिक काम गराएको भन्ने सूचनाका आधारमा प्रहरीले साउदलाई पक्राउ गरेको हो। साउदमाथि मानव बेचबिखन तथा ओसारपसार मुद्दामा जिल्ला अदालत कैलालीबाट ५ दिन म्याद थप गरी प्रहरीले घटनाको अध्ययन अनुसन्धान गरिरहेकोे छ।