ठेकेदार पक्राउप्रति महासंघको आपत्ति

नेपाल समय | आइतबार, पुस १६, २०७४

नेपाल समय

आइतबार, पुस १६, २०७४

काठमाडौं- नेपाल निर्माण व्यवसायी महासंघले निर्माण व्यवसायीहरू पक्राउ परेकोप्रति आपत्ति जनाएको छ । बिहीबार एक विज्ञप्ति जारी गर्दै महासंघले विधि र प्रक्रियाको खिल्ली उडाउँदै धमाधम ठेकेदार पक्राउ गरेको भन्दै आपत्ति जनाएको हो ।

महासंघका कार्यवहाक अध्यक्ष लक्ष्मणकुमार राना र महासचिव रामशरण देउजाद्वारा संयुक्त रुपमा जारी विज्ञप्तिमा भनिएको छ, निर्माण व्यवसायीलाई पक्राउ गरेर सरकारले विधि र प्रक्रियाको खिल्ली उडाएको छ । सरकारले लोकतान्त्रिक मूल्य मान्यता विपरित काम गरेको आरोप समेत लगाइएको छ ।

निर्माण व्यवसायीलाई कार्यालयबाटै धरपकड गरिनु अपत्तिजनक भएको महासंघको भनाई छ । भौतिक पूर्वाधार निर्माण आयोजनाहरु तोकिएको समयमा सम्पन्न हुन नसक्नुको दोष व्यवसायीमाथि मात्र थोपरिनु जायज नभएको उसको जिकीर छ ।

प्रकाशित: Dec 31, 2017| 18:23 आइतबार, पुस १६, २०७४