सुनसान उपत्यका, प्रशासन भन्छ- अझै केही दिन धैर्य गरौं [तस्बिरहरु]

‘तीव्र रुपमा फैलिने आंकलन गरिएको काठमाडौं उपत्यकाको कोरोना संक्रमणलाई निषेध आदेशले धेरै हदसम्म रोकेको छ। यसको पूर्ण पालना गरेर अझै केही दिन धैर्य गरौं।’

दिनेश श्रेष्ठ | सोमबार, जेठ १७, २०७८

दिनेश श्रेष्ठ

सोमबार, जेठ १७, २०७८

सुनसान उपत्यका, प्रशासन भन्छ- अझै केही दिन धैर्य गरौं [तस्बिरहरु]

काठमाडौं– कोरोना महामारीका कारण काठमाडौं उपत्यकामा निषेध आदेश भएको आइतबार एक महिना बितेको छ। सबै क्षेत्र ठप्प हुँदा सहर पनि सुनसान छ। अति आवश्यकबाहेक मानिसहरु घरबाहिर निस्कन पाएका छैनन्। सडकमा सुरक्षाकर्मीले निगरानी बढाएकाे छ।

काठमाडौंका प्रमुख जिल्ला अधिकारी कालीप्रसाद पराजुली निषेध आदेश कोरोना नियन्त्रणमा प्रभावकारी बन्दै गएकाले केही समय अझै धैर्य गर्न आग्रह गर्छन्। उनी भन्छन्, ‘तीव्र रुपमा फैलिने आंकलन गरिएको काठमाडौं उपत्यकाको कोरोना संक्रमणलाई निषेध आदेशले धेरै हदसम्म रोकेको छ। यसको पूर्ण पालना गरेर अझै केही दिन धैर्य गरौं।’ उनले आगामी दिनमा अवस्था हेरेर निषेध आदेशलाई कसरी अगाडि बढाइने भन्ने विषयमा छलफल गरिने बताए।