साढे ३३ केजी सुन प्रकरणमा बाजेको सेकुवाका सबै शाखामा शिल (भिडियो)

काठमाडौं- साढे ३३ केजी सुन तस्करी प्रकरणमा अनुसन्धान गरिरहेको विशेष अनुसन्धान समितिले नेपालभरीका बाजेको सेकुवाका शाखाहरु शिल गरेको छ । 

अनुसन्धानका क्रममा बाजेको सेकुवाको नेपालभरी रहेका विभिन्न शाखामा छापा मारेर शिल गरिएको हो । सुन तस्करी प्रकरणमा मुख्य लगानीकर्ता भनिएका बाजेको सेकुवाका मालिक चेतन भण्डारी फरार छन् । उनको बैंक खाता यसअघि नै रोक्का गरिसकेको छ । 

अनुसन्धान समितिले यसअघि सुनका लगानीकर्ता भनिने एमके भनिने मोहनकुमार अग्रवाल र अर्का प्रतिवादी राजेन्द्र शाक्यको आरके ज्वलर्सको ३ वटा शाखामा छापा मारेको थियो ।

अग्रवालको घरमा छापा मारेर ३० लाख रूपैयाँ नगद, दुर्इ किलो चाँदी र १० तोला सुन बरामद गरेको थियो । शाक्यको जवलर्सबाट २८ करोड रूपैयाँ बराबरको सुन, चाँदी लगायतको गरगहना बरामद भएको थियो ।