कलाकार भीमबहादुर थापाको निधन

काठमाडौं- वरिष्ठ कलाकार भीमबहादुर थापाको ९३ वर्षको उमेरमा निधन भएको छ । लामो समयदेखि छाती, फोक्सोलगायत समस्याबाट पीडित थापाको मंगलबार राति आफ्नै निवास काठमाडौं मैतीदेवीमा निधन भएको हो ।

उनले थुप्रै चलचित्र, टेलिचलचित्र र रेडियो नाटकमा अभिनय गरेका थिए । हास्य टेलिचलचित्र तीतो सत्यमा दीपाको बाबु बनेर अभिन गरेपछि अझै बढी चर्चित भएका थिए । उनी नेपाली सेनाका अवकाश प्राप्त सेनानी (मेजर) पनि हुन् ।