विश्वकपमा नेपाल प्रहरीको नियम

काठमाडौं- जुन १४ देखि रूसमा शरु हुन लागेको विश्वकप २०१८ का लागि नेपाल प्रहरीले केही शर्तहरु लागु गरेको छ ।

सोमबार एक विज्ञप्ती सार्वजनिक गर्दै जिल्ला प्रशासन कार्यालयले काठमाडौंले जारी शर्तहरुको अधिनमा रहेर मात्र विश्वकप प्रदर्शन गर्ने गराउने आग्रह गरेको छ ।

विज्ञप्तीमा भनिएको छ, 'आगामी विश्वकप २०१८ का खेलहरु क्लब संस्था तथा निजि व्यवसायीहरुले आ-आफ्न परिसर, प्रतिष्ठानमा मनोरञ्जनको लागि प्रदर्शन गर्न गराउन सूचना प्रकाशित गरिएको छ ।

प्रहरीले जारी गरेका नियमहरु:

• खेलहरु प्रदर्शन आफ्नो परिसरभित्र मात्र गर्न पाउने ।
• प्रदर्शन स्थलमा कुनै प्रकारको प्रवेश शुल्क लगाउन नपाइने ।
• खेलको हार-जितलगायतका विषयलार्इ लिएर कुनै प्रकारको निषेधित जुवा, सट्टेबाजी, लगानी, कारोबार आदि गर्न गराउन नपाइने ।
• सार्वजनिक स्थलमा गरिने प्रदर्शनको हकमा मादक पदार्थ खरिद, बिक्रि, ओसार-पोसार तथा सेवन गर्न नपाउने ।
• निजि व्यवसाय/प्रतिष्ठानका हकमा खेलको विषयलार्इ समेत लिएर हुन सक्ने असुरक्षा नियन्त्रण गर्न आवश्क जनशक्ति तथा सिसिटिभि निगरानीको व्यवस्था गरिएको हुनुपर्ने ।

विज्ञप्तीको पुर्ण पाठ