गोरे, भुजुङ र छिरिङलाई सम्पत्ति शुद्धिकरण विभाग ल्याइयो

काठमाडौं- सुन तस्करीका मुख्य अभियुक्त भनिएका तीन जनालाई सम्पत्ति शुद्धिकरण विभाग ल्याइएको छ ।

सुन तस्करी मुख्य अभियुत्त चुरामणी उप्रेति (गोरे), भुजुङ गुरुङ र गुरुङका सालो डा डेविट भनिने छिरिङ वांगेल लामालाई विभाग बोलाएर थप अनुसन्धान थालिएको हो ।

तस्करीको साढे ३३ केजी सुन तथा सनम शाक्य हत्याको छानबिन गर्न बनेकोे समितीको प्रारम्भिक अध्यायनमै बिभिन्न समयमा गरी ३८ क्वीन्टल सुन तस्करीमा समेत मुख्य योजनाकार भएको पाइएपछि गोरे, भुजुङ तथा छिरिङलाई काठमाडौं ल्याइएको हो ।

तस्करीको सुन तथा सनम हत्या बारे छानबिन गर्न बनेको समितिको सिफरिसमा उनिहरुलाई  शुद्धिकरण विभाग झिकाइएको हो ।

राप्रपा प्रजातान्त्रिकका नेतासमेत रहेका ६४ बर्षका भुजुङ गुरुङ र उनका साला छिरिङ वांगेल बिगत ४० बर्षदेखि सुन तस्करीमा संलग्न रहेको अनुसंधानबाट खुलेको छ ।

चुडामणी उप्रेती गोरे बिगत ७/८ बर्षदेखि समुह नै तयार गरी तस्करीमा संलग्न रहेका थिए । सुन तस्करीबाट अकुत संपति कमाएका छिरिङ, गोरे, भुजुङलाई थप अनुसन्धान गरी भष्टचार निवारण ऐन अर्न्तगत मुद्धा चलाइने तयारी भैरहेको स्रोतले जनाएको छ ।