राष्ट्रपति मन्दिर जाँदा चोख्याउने कस्ता ?

नेपाल समय | आइतबार, पुस १६, २०७४

नेपाल समय

आइतबार, पुस १६, २०७४

प्रधानमन्त्री केपी शर्मा ओलीले राष्ट्रपति विद्या भण्डारी जानकी मन्दिरमा जाँदा भएको विरोधको प्रशंग कोट्याउँदै राष्ट्रपतिको विरोध गर्ने नागरिक कस्तो हो भन्दै प्रश्न गरे ।

प्रदेश १ को प्रदेशसभा बैठकमा सम्बोधन गदै प्रधानमन्त्री ओलीले भने, ‘हाम्रो देश कहाँ छ ? यही देश होइन् राष्ट्रपति मन्दिर जाँदा पछिपछि त्यसको विरोध गर्दै मन्दिर चोख्याउँदै हिँड्ने ?’ यो नेपालको पछौटेपन झल्काउने व्यवहार भएको भन्दै ओलीले रुढिवादी सोचको अन्त्यका लागि काम गर्न आवश्यक रहेको बताए ।

गत वर्ष राम नवमीमा जनकपुरको जानकी मन्दिरमा पुजा गर्न गएकी राष्ट्रपति विद्या भण्डारीको विरोध भएको थियो । स्थानीयले मन्दिरमा एकल महिला प्रवेश गरेको भन्दै सुनपानीले चोख्याएका थिए ।

प्रकाशित: Dec 31, 2017| 18:23 आइतबार, पुस १६, २०७४