डा. उपेन्द्र देवकोटाको अवस्था नाजुक

काठमाडौं- मुलुकको प्रख्यात स्नायु शल्य चिकित्सक डा.उपेन्द्र देवकोटाको स्वास्थ्य अवस्था नाजुक बनेको छ ।

विगत केही समयदेखि पित्त थैलीको क्यान्सरबाट पीडित डा.देवकोटाको स्वास्थ्यमा थप जटिलता देखिएपछि अहिले उनलाई बाँसवारीस्थित न्युरो अस्पतालको आईसियुमा राखिएको छ ।

डा.देवकोटा वेलायतस्थित किग्स कलेजमा ५ महिना उपचार गरेर गत वैशाख १५ गते नेपाल फर्किएका थिए । उनको समस्या निको नहुने खालको भनेर चिकित्सकहरुले प्रमाणित गरेपछि उनी नेपाल फर्किएका हुन् । 

अहिले उनी काठमाडौंमा रहेको आफ्नै घर र अस्पतालमा आराम गर्दै आएका छन् । डा.देवकोटाले वीर अस्पतालबाट मुलुकमा स्नायु शल्य चिकित्साको शुरूवात गरेका थिए।