राप्रपाले बनायो एकता गर्न वार्ता टोली

काठमाडौं- राप्रपा (प्रजातान्त्रिक) ले समान विचार भएका दलहरुसँग एकता गर्ने भन्‍दै वार्ता टोली गठन गरेको छ । 

पशुपति शम्शेर जबरा नेतृत्वको राप्रपा (प्रजातान्त्रिक) ले शुक्रबार एक विज्ञप्ती जारी गर्दै पार्टि वरिष्ठ उपाध्यक्ष दीपक बोहराको संयोजकत्वमा वार्ता समिति गठन गरेको हो । 

वार्ता समितिमा उपाध्यक्ष विक्रम पाण्डे, महामन्त्री सुनिल बहादुर थापा र उच्त स्तरीय कार्य सम्पादन समितिका सद्स्य ठाकुर प्रसाद शर्मा सदस्य रहेको विज्ञप्तीमा उल्लेख छ । 

विज्ञप्तीमा भनिएको छ, 'राष्ट्रवादी, प्रजातान्त्रवादी शक्तिको रुपमा सुदृढ गर्ने उद्देश्यले समान विचार भएका पार्टीहरु, समूहहरु र व्यक्तिहरु समेतलार्इ एउटै राजनैतिक संगठन रुपमा एकताबद्ध गर्ने उद्देश्यले पार्टी एकता एवं सहजिकरण सम्पर्क कार्यदल गठन गरिएको छ ।'

यसअघि कमल थापा नेतृत्वको राष्ट्रिय प्रजातन्त्र पार्टीले पनि एकता गर्ने उपाध्क्षद्वय बुद्धिमान तामाङ र टंक ढकाल तथा महासचिव राजेनद्र लिङ्देनको नेतृत्वमा वार्ता समिति गठन गरिसकेको छ। 

यसअघि कमल थापा, पशुपति शमशेर जबरा र प्रकाशचन्द्र लोहनीको पार्टी एकिकरण भएको थियो भने महाधिवेश भएको दुर्इ महिनामै तीन पार्टी फेरी टुक्रिएका थिए ।