टीकापुर अस्पताललाई व्यवसायी बजगाईको अक्सिजन सहयोग

धनगढी- कैलालीको टीकापुर अस्पताललाई व्यवसायी कृष्णप्रसाद जैशी बजगाईले अक्सिजन सिलिन्डर सहयोग गरेका छन्।

जैमनी अटोमोटिभ्स कम्पनीका महाप्रबन्धक बजगाईले अस्पताललाई २१ थान अक्सिजन सिलिण्डर सहयोग गरेका हुन्।

अस्पतालमा उपचाररत कोरोना संक्रमितले अक्सिजन अभावमा ज्यान गुमाउनु पर्ने अवस्था आएपछि सहयोग गरेको बजगाईले बताए। उनले सबैलाई अक्सिजन सहयोग गर्न आह्वान गरे। 

अस्पतालका मेसु डा. रेमकुमार राईले व्यवसायी बजगाईले अक्सिजन सहयोग गरेपछि उपचारमा सहज भएको बताए। 

‘कैलालीको पूर्वी क्षेत्र टीकापुर, भजनी, लम्कीचुहा नगरपालिका, जानकी, जोशीपुर, बर्दगोरिया र मोहन्याल गाउँपालिकाका साथै बर्दियाको पश्चिमी क्षेत्रका बिरामीलाई सेवा दिँदै आएका छौं’ डा.राईले भने, ‘तर अक्सिजन अभावमा उपचारमा असहजता भइरहेको छ।’

अक्सिजनको अभावमा अस्पतालमा उपचाररत बिरामीहरुलाई समस्या हुँदै आएको छ। आइतबार अस्पतालमा उपचाररत ६ जनाले ज्यान गुमाएका छन्।