९३ प्रतिशत कोरोना संक्रमित घरमै

स्वास्थ्य मन्त्रालयका अनुसार सक्रिय संक्रमितमध्ये ६ हजार ३३० जना संक्रमितमात्र अस्पतालमा छन्।

नेपाल समय | आइतबार, वैशाख २६, २०७८

नेपाल समय

आइतबार, वैशाख २६, २०७८

काठमाडौं– आज आइतबार देशभर ८ हजारभन्दा धेरै कोरोना संक्रमित थपिए। योसँगै नेपालमा कोरोना संक्रमितको संख्या ३ लाख ९४ हजार ६६७ पुगेको छ। यीमध्ये ८८ हजार १६० सक्रिय संक्रमित छन्।

स्वास्थ्य मन्त्रालयका अनुसार सक्रिय संक्रमितमध्ये ८१ हजार ८३० जना होम आइसोलेसनमा छन्। ६ हजार ३३० जना संक्रमितमात्र अस्पतालमा छन्।

होम आइसोलेसनमा हुनेमध्ये सबैभन्दा धेरै बागमती प्रदेशमा ४२ हजार ३७९ जना छन् भने सबैभन्दा कम कर्णालीमा २ हजार ५३८ जना छन्।

त्यस्तै प्रदेश १ मा ५ हजार ७७७ जना, प्रदेश २ मा ४ हजार ७५१, गण्डकीमा ५ हजार ३४६ जना होम आइसोलेसनमा छन्। लुम्बिनी प्रदेशमा १७ हजार ३१५ र सुदूरपश्चिम प्रदेशमा ३ हजार ३३३ जना संक्रमित होम आइसोलेसनमा रहेको मन्त्रालयको तथ्यांक छ।

प्रकाशित: May 09, 2021| 13:05 आइतबार, वैशाख २६, २०७८