ललितपुर महानगरको १६० बेड आइसोलेसन सञ्चालनमा

काठमाडौं– ललितपुर महानगरपालिकाले १६० बेडको दुई वटा आइसोलेसन सञ्चालनमा ल्याएको छ।  महानगरपालिकाले वडा नम्बर २६ को सुनोकोठीमा ५० बेडको र बागडोलमा रहेको ज्यापु समाजको वृद्धाश्रममा ११० बेडको गरी १६० बेडको आइसोलेसन सञ्चालनमा ल्याएको हो।

महानगरकी उपमेयर गीता सत्यालले हालसम्म १६० बेड क्षमताको दुई वटा आइसोलेसन सञ्चालनमा ल्याइएको र थप आइसोलेसन बनाउने तयारी रहेको जानकारी दिइन्। ‘५० वेडको आइसोलेसन वडा नम्बर २६ सुनाकोटीमा सञ्चालनमा ल्याइसकेका छौं। त्यहाँ केही बिरामी पनि बसिसक्नु भएको छ,’ उनले भनिन्, ‘अर्को ११० वेडको चाहिँ ज्यापु समाजको वृद्धाश्रम भवनमा हामी सुरु गर्दैछौं।’

उनका अनुसार ललितपुरको पुलचोकमा अर्को एउटा आइसोलेसन बनाउने तयारी भइरहेको छ। आइसोलेसन बनाउनका लागि पुलचोकमा ठाउँ हेरिसकेको र त्यहाँ ८० बेड क्षमताको आइसोलेसन बनाउने योजना रहेको उनले बताइन्।