डा. केसीले दिए अनसनको चेतावनी 

काठमाडौं- आफूसंग भएको सम्झौता कार्यान्व्यन नभएको भन्दै डा. गोविन्द केसी फेरि आमरण अनसन बस्ने चेतावनी दिएका छन् । 

पुराना सहमती कार्यान्व्यन हुनुपर्ने सहितका ६ बुँदे माग राख्दै डा. केसीले अनसनको चेतावनी दिएका हुन् । बिहीबार प्रेस विज्ञप्ति जारी गर्दै उनले अब कुनै पनि वहानामा चिकित्सा शिक्षा ऐन राक्न नहुने भन्दै डाक्टर केसीले ऐन जनतामुखी हुनुपर्ने माग गरेका छन् । 

चिकित्सा शिक्षा अध्यक्षदेश दोस्रो पटक जारी भइसकेपनि उचितरुपमा त्यसको प्रतिस्थापन विधेयक ल्याउने काममा आलटाल भएको भन्दै उनले आक्रोश पोखेका छन् ।

चिकित्सा शिक्षा सम्बन्धी न्यायिक जाँचबुझ आयोगको प्रतिवेदन तत्काल सार्वजनिक गर्दै सबै निकायका दोषी पदाधिकारीहरुलाई आयोगको सिफारिस बमोजिम कारवाही गर्नुपर्ने, त्रिविले खोसेका अधिकारहरु आइओएममा फिर्ता गर्दै आइओएमलाई थप स्वायत्तता दिनुपर्ने माग पनि केसीको छ ।