ओली र प्रचण्डलाई समान अधिकार

काठमाडौं- नेपाल कम्युनिस्ट पार्टी (नेकपा) को नयाँ विधानले दुई अध्यक्षलाई समान अधिकार दिएको छ । तीन हप्ता लगाएर तयार पारिएको विधानमा  अध्यक्षद्वय केपी ओली र पुष्पकमल दाहाल प्रचण्डलाई समान अधिकार दिएको हो ।

एमाले र माओवादीको केन्द्रबीच एकीकरणपछि बनेको नेकपाले पार्टी दर्ताका लागि निर्वाचन आयोगमा बुझाएको विधानलाई अन्तिम रुप दिन पार्टी अध्यक्ष ओली र प्रचण्डलाई जिम्मा दिएको थियो । त्यसअनुसार अध्यक्ष प्रचण्डले बुधबार केही संशोधनसहित विधानलाई अन्तिम रुप दिएका नेकपाका एक नेताले जानकारी दिए।

पार्टीको राजनीतिक कार्यदिशा समाजवाद उन्मुख जनताको जनवाद हुने विधानमा उल्लेख गरिएको छ । पार्टीको राजनीतिक कार्यदिशा समाजवाद उन्मुख जनताको जनवाद हुने विधानमा उल्लेख गरिएको नेकपाका नेता देव गुरुङले जानकारी दिए । 

विधानमा प्रचण्डको नेतृत्वमा भएको १० वर्षे जनयुद्धले उत्पीडित जाति, वर्ग, लिंग र समुदायलाई जागरुक बनाएको र त्यसले गणतन्त्र स्थापनामा भूमिका खेलेको शब्दावली समेत प्रयोग गरिएको छ । यसअघि निर्वाचन आयोगमा बुझाइएको राजनीतिक दस्तावेजमा प्रचण्डको नाम उल्लेख थिएन ।