हात्ती आतंक राेक्न हवाई फायर, १८ घर ध्वस्त

धनुषा- हात्तीले धनुषाको मिथिला नगरपालिका–७ एकलेवरका १८ वटा घर भत्काएको छ । बुधबार राति करिब १ बजे तिर तीनवटा हात्ती गाउँ पसेर आतंक मच्चाएको हो ।

१८ वटा घर भत्काएपनि मानवीय क्षति भने नभएको ईलाका प्रहरी कार्यालय ढल्केवरले जनाएको छ । हात्तीले घर भत्काउन थाले लगतै स्थानीयहरु घरबाट भागेर लुकेका थिए । हात्ती गाउँ पसेपछि स्थानीयबासिन्दा त्रसित भएका छन् ।

हात्तीले आतंक नियन्त्रण गर्न राती नै ईलाका प्रहरी कार्यालय ढल्केवरका प्रहरी परिचालित भएका थिए । हात्ती धपाउन प्रहरीले पाँच राउन्ड हवाई फायर गरेको धनुषाका प्रहरी उपरीक्षक गोविन्द थपलियाले जानकारी दिए ।