जनप्रतिनिधिको सेवासुविधा तोकियो, वडा सदस्यले ५ हजार पाउने  

धनगढी- प्रदेश नम्बर ७ का स्थानीय तहका जनप्रतिनिधिहरुको सेवा सुविधा तोकिएको छ । 

बुधबार बसेको प्रदेश ७ को प्रदेशसभा बैठकले स्थानीय तहका पदाधिकारीहरुको सेवा सुविधा सम्बन्धी विधेयक स्वीकृती गरेको हो । विधेयक पास भएसँगै प्रदेश ७ का स्थानीय तहका सबै जनप्रतिनिधिहरुले तलब सुविधा पाउने भएका छन् । 
    
जस अन्तर्गत सबैभन्दा धेरै जिल्ला समन्वय समिति (जिसस) का प्रमुख मासिक ४० हजार ५ सय र सबैभन्दा कम गाउँपालिका वडा सदस्यले  ५ हजार तलब पाउने भएका छन् ।

यस्तै जिल्ला समन्वय समितिका उप प्रमुख ३५ हजार ५ सय तथा जिसस सदस्यले ११ हजार तलब पाउने छन् । यस्तै नगरपालिका प्रमुखले ३५ हजार उपप्रमुखले ३० हजार, वडा अध्यक्षले २२ हजार, कार्यपालिका सदस्यले ९ हजार र वडा सदस्यले ६ हजार तलब पाउने छन् । 

यस्तै गाउँपालिकाका अध्यक्षले ३० हजार, उपाध्यक्षले २५ हजार, वडा अध्यक्षदले २० हजार तथा कार्यपालिका सदस्यले ८ हजा तलब पाउने छन् ।