बटलरको सतकमा राजस्थानको शानदार जित 

काठमाडौं– सँगै मैदान पसेका यसश्वी जैसवाल १२ रन बनाउँदै पवेलियन फर्किए पनि जस बटलरले १२४ रनको सतकीय पारी खेल्दै राजस्थान रोयल्सलाई जित दिलाएका छन्। 

टस हारेर ब्याटिङमा आएको राजस्थानले आइतबारको पहिलो खेलमा सनराइजर्स हैदराबादलाई इन्डियन प्रिमियर लिगमा ५५ रनले हराएको हो। खेलमा सन्जु समसनले ४८ रन र रियल परागले १५ रन बनाएपछि राजस्थानले २२० रन बनाउँदै २२१ रनको लक्ष्य प्रस्तुत गरेको थियो। हैदारबादका लागि सन्दिप शर्मा, राशिद खान र विजय शंकरले समान १–१ लिएका थिए। 

जवाफी ब्याटिङमा हैदराबादले पूरा ओभर खेल्दै आठ विकेट गुमाएर १६५ रनमा समेटियो। औषत ब्याटिङ गरेको हैदारबादका मनिश पाण्डेले ३१, जोन्नी बेरिस्टोले ३०, केन विलियम्सनले २० र केदार ज्यादवले १९ रन बनाए।

कसिलो बलिङ गरेका राजस्थनका मुस्तफिजुर रहमानले पाँचको इकोनोमीमा तीन विकेट गिराए। त्यस्तै क्रिस मोरिसले पनि समान ३ विकेट लिँदा कार्तिक त्यागी र राहुल तेवतियाले एक विकेट लिए। यो जितसँगै राजस्थानले सात खेलबाट ६ अंक बनाएको छ। हैदराबाद दुई अंकका साथ तालिकाको पुछारमा छ।