ललितपुरका प्रशिक्षक हुमागाईंद्वारा राजीनामा

ललितपुर सिटी फुटबल क्लबका मुख्य प्रशिक्षक प्रदीप हुमागाईंले राजीनामा दिएका छन्।

नेपाल समय | आइतबार, वैशाख १९, २०७८

नेपाल समय

आइतबार, वैशाख १९, २०७८

ललितपुरका प्रशिक्षक हुमागाईंद्वारा राजीनामा

काठमाडौं– ललितपुर सिटी फुटबल क्लबका मुख्य प्रशिक्षक प्रदीप हुमागाईंले राजीनामा दिएका छन्।

उनले जारी नेपाल सुपर लिगमा ललितपुरलाई एउटा पनि जित दिलाउन नसकेपछि राजीनामा दिएका हुन्। उनको प्रशिक्षणमा ललितपुरले एक हार र तीन बराबरी खेल्दै मात्र तीन अंक जोडेको थियो।

पहिलो खेलमा काठमाडौंविरुद्ध हार बेहोरेको ललितपुरले त्यसयता चितवन, बुटवल र पोखरासँग बराबरी खेलेको थियो। आज आइतबारको खेलमा पनि उनले क्लबलाई पोखराविरुद्ध जित दिलाउन नसकेपछि उनले सबै कुरा राम्रो भए पनि गोल नहुनुको कारण पत्ता लगाउन नसकेको बताएका थिए।

त्यस्तै उनले एनएसएलको लागि अभ्यासको समय अति छोटो रहेको र खेलाडीलाई अभ्यस्त हुनका लागि पर्याप्त समय नभएको बताउँदै आएका थिए। ललितपुरलाई जारी लिगको बलियो टिम मानिए पनि उसले गोलको अवसर सदुपयोग गर्न सकिरहेको छैन।