अवैध कारोबार रोकिदिन चिनियाँ राजदूतलाई गृहमन्त्रीको आग्रह

काठमाडौं- गृहमन्त्री रामबहादुर थापाले चिनियाँ राजदूत यु हाेङसँग तस्करी नियन्त्रण गरिदिन आग्रह गरेका छन् ।

पछिल्लो समय चिनियाँ नाका हुँदै अवैध सामानकाे ओसारपसार बढ्न थालेपछि गृहमन्त्रीले राजदूत होङसँग त्यस्ताे अाग्रह गरेका हुन् । नेपाली नाका हुँदै ठूलो मात्रामा सुनलगायत बस्तुको अवैध ओसारपसार हुँदै अाएकाे छ।

नेपाल र चीनबीचका नाका हुँदै लागूऔषध ओसारपसार हुने गर्छ। जवाफमा चिनियाँ  राजदूत युले त्यस विषयलाई सम्बन्धित निकायसम्म पुर्याउने  जानकारी गराउने बताएको गृह स्रोतले जनाएको छ।