जनकपुरमा करेन्ट लागेर दाजुभाइको मृत्यु

धनुषा- करेन्ट लागेर जनकपुरमा एकै घरका दुई दाजुभाइको मृत्यु भएको छ । आफ्नै घरमा विजुलीको समान मर्मत गरिरहेको बेला करेन्ट लाग्दा दाजुभाइको घटनास्थलमै मृत्यु भएको जिल्ला प्रहरी कार्यालय धनुषाले जनाएको छ ।

मृत्यु हुनेमा जनकपुर उपमहानगरपालिका १७ कनकपट्टी बस्ने २६ वर्षका दाजु सुरेन्द्र साह र २४ वर्षका भाइ विरेन्द्र साहको रहेका छन् । घटना सोमबार साझ ५ बजेतिर भएको प्रहरीले बताएको छ ।