आज वातावरण दिवसः महाअभियान घोषणा हुँदै 

काठमाडौं- आज ५ जुन अर्थात विश्व वातावरण दिवस । मान्छेलाई प्रकृतिसँग नजिक पार भन्ने नाराका साथ नेपालमा पनि विभिन्न कार्यक्रम गरि मनाइँदैछ । 

दिवसका अवसरमा सरकार तथा वातावरणका क्षेत्रमा काम गर्दै आएका संघसंस्थाले  विभिन्न चेतनामुलक कार्यक्रम गर्दैछन् ।

संयुक्त राष्ट्रसंघको आह्वानमा सन १९७३ जुन ५ देखि यो दिवस मनाउन थालिएको हो । संयुक्त राष्ट्रद्वारा घोषित यो दिवस पर्यावरणप्रति राजनैतिक र सामाजिक जागृति ल्याउने उद्देश्यले मनाइन्छ । 

यसैबिच, प्रधानमन्त्री केपी शर्मा ओलीले वातावरण दिवसका अवसरमा वातावरणीय क्षेत्रमा सहयोग पुर्याउने सम्पूर्ण नेपालीमा शुभकामना व्यक्त गरेका छन् । 

उनले एक सन्देश जारी गर्दै भनेका छन्- 'आर्थिक समृद्धि हासिल गर्ने दिशामा द्रूतगतिकासाथ अग्रसर हुँदा र आफूलाई वातावरण दिवस मनाउन पाउँदा अत्यन्तै खुशी लागेको छ ।'
 
यस्तै सरकारले वातावरण दिवसको अवसर पारेर मङ्गलबार स्वच्छ वातावरण महाअभियानसम्बन्धी एकवर्षीय कार्यक्रम घोषणा गर्दैछ ।