आजका अखबार: बजेटसंगै कृत्रिम महँगी 

काठमाडौं- राजधानीबाट प्रकाशित मंगलबारका राष्ट्रिय दैनिक पत्रिकाहरुले विविध विषयका खबरलाई आफ्नो पहिलो प्राथमिकतामा पारेका छन् ।
 
बजेटको बाहनामा व्यवसायीले मूल्यवृद्धि गरि कृत्रिम मंहँगी सृजना गरेको विषयलाई आजको कान्तिपुर दैनिकले मुख्य समाचार बनाएको छ । यो खबर अनुसार व्यवसायीले आफूखुसी मूल्य बढाए पनि सरकार र सम्बन्धित निकाय अनुगमन र कारबाही गर्न उदासीन देखिएका छन् । व्यवसायीले हरेक खाध्यान्न बस्तुमा प्रतिकिलो कम्तिमा १० देखि २० रुपैयसम्म मूल्य बढाएका छन् । भ्याट फिर्ता र कच्चा पदार्थमा कर बढाइएको बहानामा खानेतेल र दालमा कारबाजारी भइरहेको छ । 

आजको नागरिक दैनिकले भने वीपी राजमार्गमा ठूला सवारी चलाउन दिइएको इजाजत सर्वोच्च अदालतले रोकेको विषयलाई प्राथमिकताका साथ छापेको छ । भौतिक पूर्वाधार तथा यातायातमन्त्री रघुबीर महासेठले जेठ १३ गते मन्त्रीस्तरीय निर्णय गर्दै वीपी राजमार्गमा ठूला सवारी चल्न दिने निर्णय गरेका थिए । यस्तै नागरिकले प्रदेश ४ को नाम गण्डकी राजधानी पोखरा राख्ने सहमती भएको विषयलाई पनि महत्वका साथ छापेको छ । 

ऐन कानुन बनाउने संसद्ले आफ्नै नियमावली बनाउन नसकेको विषयलाई अन्नपूर्ण पोष्टले मुख्य समाचार बनाएको छ । उसले ७ सय ६२ मेगावट क्षमताको तमोर जलविद्युत आयोजना चिनियाँ कम्पनीलाई दिन भएको तयारीलाई पनि प्राथमिकताका साथ छापेको छ । 

साना जलविद्युत आयोजनालाई ठूलो जरिवाना लगाइएको खबरलाई मुख्य समाचार बनाएको आजको कारोबारले हटेनन् विकासका समस्या, गौरवकै आयोजना थालिए शीर्षकमा अर्को खबर लेखेको छ ।