आईपीएलमा चेन्नईले कोलकातालाई हरायो

काठमाडौं - इन्डियन प्रिमियर लिग आईपीएलमा चेन्नई सुपर किंग्सले कोलकाता नाइट राइडर्सलाई १८ रनले हराएको छ। मुम्बई रंगशालामा बुधबार राति सम्पन्न खेलमा चेन्नईले जित निकालेको हो।

टस हारेर ब्याटिङको निम्तो पाएको चेन्नईले पूरा ओभर खेल्दै तीन विकेट गुमाएर २२० रन बनाएको थियो। जवाफी ब्याटिङमा कोलकाताले पाँच बाल बाँकी रहँदा पूरा विकेट गुमाएर २०२ रन बनाएपछि खेल चेन्नईले जितेको हो।

चेन्नईका लागि फाफ डू प्लेसिसले ९५ रन बनाए भने रितुराज गायक्बडले ६४ रनको योगदान दिए। त्यस्तै मोइन अलीले २५ रन बनाए।

कोलकाताका वरुण चक्रवर्ती, सुनिल नायर र आन्द्रे रसेलले समान एक÷एक विकेट गिराए।

जवाफी ब्याटिङमा पटक कमिन्सले अविजित ६६ रन बनाए भने आन्द्र रसेलले ५४ रन जोडे। त्यस्तै दिनेश कार्तिकले ४० रन बनाउनुबाहेक अन्य खेलाडीले सम्झनलायक प्रदर्शन गरेनन्।

चेन्नईका लागि दीपक चहरले चार र लुंगी निगिदीले तीन विकेट गिराए। एक विकेट लिनेमा साम कुरान रहे।