लुम्बिनी प्रदेश बन्यो हाप्किडो च्याम्पियन

काठमाडौं- लुम्बिनी प्रदेशले चौथो हाप्किडो राष्ट्रिय च्याम्पियनसिपको उपाधि जितेको छ। मंगलबार सम्पन्न प्रतियोगितामा लुम्बिनीले ७ स्वर्ण, ८ रजत तथा १२ काश्यका साथ च्याम्पियन बनेको हो।

७ स्वर्ण, ७ रजत तथा ११ काश्य पदक जितेको बागमती प्रदेश दोस्रो तथा ५ स्वर्ण र दुई कास्यसहित गण्डकी प्रदेश तेस्रो भएको छ।

पुरुषतर्फ लुम्बिनीका गोपाल विक तथा महिलातर्फ गण्डकीकी मोनालीसा मल्ल उत्कृष्ट खेलाडी भए। बुद्ध राइ उत्कृष्ट रेफ्री घोषित भइन्।

प्रदेश २ की विजयाकुमारी वाइवा उत्कृष्ट प्रशिक्षक चयन भइन्। उत्कृष्ट खेलाडी, उत्कृष्ट प्रशिक्षक र उत्कृष्ट रेफ्री प्रत्येकले ५ हजार रुपैयाँ पुरस्कार पाए।

नेपाली नयाँ वर्षको अवसरमा नेपाल मार्सल आर्ट्स हाप्किडो एसोसीएसनको आयोजनामा भएको चार दिने प्रतियोगितामा सातै प्रदेशका ७ सयभन्दा बढी खेलाडी उपस्थित भएको मुख्य प्रशिक्षक सुस्मिता गुरुङले जानकारी दिइन्।