टोटेनहमद्वारा प्रशिक्षक मोउरिन्हो बर्खास्त

टोटेनहमले मोउरिन्होका साथै उनको टोलीका सदस्यहरू जोओ साक्रामेन्टो, तुनो सान्तोष, कार्लोस लालित र गाभानी केरार्लाइ जिम्मेवारीबाट अलग गरेको जानकारी दिएको छ।

नेपाल समय | सोमबार, वैशाख ६, २०७८

नेपाल समय

सोमबार, वैशाख ६, २०७८

टोटेनहमद्वारा प्रशिक्षक मोउरिन्हो बर्खास्त

काठमाडौं- इंग्लिस प्रिमियर क्लब टोटेनहमले मुख्य प्रशिक्षक जोस मोउरिन्होलाई बर्खास्त गरेको छ। क्लबमा १७ महिना प्रशिक्षण गरेका उनलाई क्लबले सोमबारबाट बर्खास्त गरेको हो।

प्रमियर लिगमा सन्तोषजनक प्रदर्शन गर्न नसकेपछि मोउरिन्होलाई बर्खास्त गरिएको बताइएको छ। २० नोभेम्बर २०१९ मा टोटेनहमको मुख्य प्रशिक्षक बनेका ५८ वर्षीय मोउरिन्होको प्रशिक्षणमा टोटेनहमले ८६ खेलमा ४४ जित, १९ बराबर र २३ हारको सामना गरेको छ। उनले टोटेनहमबाट कुनै उपाधि जित्न सकेनन्।

सन् २०१६ देखि २०१८ सम्म उनी म्यानचेस्टर युनाइटेडको प्रशिक्षक थिए।

प्रकाशित: Apr 19, 2021| 15:22 सोमबार, वैशाख ६, २०७८