त्रिकोणात्मक सिरिजमा अब दर्शकलाई ‘नो इन्ट्री’

नेपाल क्रिकेट संघले क्यानले नेपालमा जारी त्रिकोणात्मक सिरिजमा दर्शकलाई मैदान प्रवेशमा निषेध गरेको छ।

नेपाल समय | सोमबार, वैशाख ६, २०७८

नेपाल समय

सोमबार, वैशाख ६, २०७८

त्रिकोणात्मक सिरिजमा अब दर्शकलाई ‘नो इन्ट्री’

काठमाडौं- नेपाल क्रिकेट संघले क्यानले नेपालमा जारी त्रिकोणात्मक सिरिजमा दर्शकलाई मैदान प्रवेशमा निषेध गरेको छ।

सरकारले कोरोना भाइरसको महामारीलाई मध्यनजर गर्दै २५ जनाभन्दा बढी भेला हुन नपाइने निर्णय गरेसँगै क्यानले जारी क्रिकेट प्रतियोगितामा पनि दर्शकको उपस्थितिलाई निषेध गर्ने निर्णय गरेको हो।

क्यानले आज एक विज्ञप्ति जारी गर्दै त्रिभुवन विश्वविद्यालयको अन्तराष्ट्रिय क्रिकेट मैदानमा जारी त्रिकोणात्मक टी–ट्वान्टी क्रिकेटमा दर्शकलाई निषेध गरेको जानकारी दिएको छ।

यो निर्णयसँगै अब बाँकी चार खेलमा दर्शकले मैदानमा प्रत्यक्ष खेल हेर्न नपाउने भएका छन्।

जारी सिरिजमा नेपालले लगातार दुई खेल जित्दै ४ अंक जोडेको छ। प्रतिगितामा नेपालसहित नेदरल्याण्ड्स र मलेसिया सहभागी छन्।