ग्रिनवुड चम्किँदा युनाइटेडको सहज जित

काठमाडौं – इंग्लिस प्रिमियर लिग (ईपीएल)अन्तर्गत आइतबार राति सम्पन्न खेलमा म्यानचेस्टर युनाइटेडले बर्नलीविरुद्ध सहज जित निकालेको छ। युनाइटेडको ओल्ड ट्राफोर्डमा भएको खेलमा घरेलु टिमले बर्नलीलाई ३–१ गोलले हराएको हो।

खेलमा ७० प्रतिशत समय बलमा नियन्त्रण राखेको युनाइटेडले पहिलो हाफमा गोल गर्न नसके पनि दोस्रो हाफमा तीन गोल गरको थियो।

दोस्रो हाफको ४८औं मिनेटमा मेसन ग्रिनवुडले गोल गर्दै टिमलाई अग्रता दिलाएका थिए। तर ५०औं मिनेटमा बर्नलीका जेम्स ताकोविस्कीले गोल गर्दै खेललाई बराबरीमा ल्याए।

यता खेलको ८४औं मिनेटमा ग्रिनवुड र इन्ज्युरी मसयमा एडिसन काभानीले गोल गरेपछि युनाइटेडले ३–१ गोलको जित निकाल्यो।

यो जितसँगै युनाइटेडले ६६ अंक जोडेको छ। यद्यपी युनाइटेड शीर्षस्थानको म्यानचेस्टर सिटीभन्दा आठ अंकले पछि छ। पराजित बर्नली ३३ अंकका साथ रेलिगेसन जोन भन्दा एक स्थान माथि छ।