ट्राई सिरिज : पारसलाई चोट लागेपछि जोराले खेल्ने

काठमाडौं- टी-२० त्रिकेटमा नेपालका उत्कृष्ट ब्याट्स्मेन पारस खड्काले चोटका कारण शनिबार सुरु हुने त्रिकोणात्मक सिरिज गुमाउने भएपछि उनको ठाउँमा सन्दीप जोराले खेल्ने भएका छन्।

अभ्यास खेलको क्रममा दायाँ काँधमा चोट लागेका कारण पारसले खेल्न नपाउने भएका थिए। यसकारण उनको ठाउँमा नेपाल क्रिकेट संघ (क्यान) ले सन्दीप जोरालाई खोलाउने बताएको छ।
‘चोटका कारण खड्काले ट्राई सिरिज गुमाउने भएपछि उनको ठाउँमा सन्दीप जोरालाई खेलाइने भएको छ,’ क्यानले लेखेको छ।

पारसले आफू नखेल्ने जनाउँदै समामाजिक सञ्जालमा फेसबुकमा लेखेका छन्, ‘अभ्यास खेलका क्रममा गत आइतबार एउटा क्याच लिने प्रयास गर्दा मेरो दाहिने काँधमा चोट लागेको छ।’ 

डाक्टरको सल्लाहअनुसार उनी विगत पाँच दिनदेखि चिकित्सकको निगरानीमा छन्। अब उनले दुईदेखि तीन हप्तासम्म आराम गर्नुपर्नेछ। ‘मैले यो प्रतियोगिता गुमाउन गइरहेको छु। साथै विश्वकप छ, प्रतियोगिता जित्न सक्ने खेलाडी हामीमाझ छन्,’ उनले भनेका छन्।

कीर्तिपुरस्थित त्रिवि क्रिकेट मैदानमा शनिबार सुरु हुने नेपाल-मलेसिया-नेदरल्यान्ड सम्मिलित खेलमा नेपालको टिम भने घोषणा भइसकेको छ। त्यसमा ब्याट्स्मेन खड्का पनि थिए।

यस्तो बन्यो नेपालको टिम :

ज्ञानेन्द्र मल्ल, सन्दीप जोरा, सोमपाल कामी, सन्दीप लामिछाने, आरिफ सेख, कुशल भुर्तेल, साहब आलम, सुशन भारी, दीपेन्द्र सिंह ऐरी, विनोद भण्डारी, करण केसी, अविनाश बोहरा, आसिफ शेख, कुशल मल्ल, कमल सिंह ऐरी