पूर्वगृहमन्त्री शाहीको निधन

 काठमाडौं- पूर्वगृहमन्त्री दानबहादुर शाहीको निधन भएको छ । मुटु, मिर्गाैला र फोक्सोसम्बन्धी समस्याबाट पीडित शाहीको आइतबार बिहान ७ बजे निधन भएको हो । 

राजधानीस्थित ग्रान्डी अस्पतालमा भर्ना भएका उपचारत ७६ वर्षीय शाहीको उपचारकै क्रममा निधन भएको हो । दुवै मिर्गौला फेल भएर डायलाइसिस् गर्दै आएका शाही अढाइ महिनाअघि अस्पताल भर्ना भएका थिए। 

डोटीको मुम्राकोट घर भएका शाही तत्कालीन राजा ज्ञानेन्द्र शाहको प्रत्यक्ष शासनकालका गृहमन्त्री भएका थिए । उनको आजै पशुपति आर्यघाटका अन्तिम दाहसंस्कार गरिने छ ।