गर्भवती भएर सुटिङ छोड्नुपरेका बलिउड अभिनेत्री

बलिउडमा पर्दा पछाडि थुप्रै किस्सा छन्। जसको बारेमा धेरै मानिसलाई जानकारी नहुन सक्छ। बलिउडका केही अभिनेत्री फिल्म सुटिङका क्रममा गर्भवती भएका थिए।

ऐश्वर्या राय बच्चन बिहे र गर्भवती भएको विषयमा निकै चर्चामा रहेकी थिइन्। ऐश्वर्या फिल्म 'हिरोइन'को सुटिङका क्रममा गर्भवती भएको थिइन्। जसले गर्दा उनले बीचैमा फिल्मको काम छोड्नुपरेको थियो। उक्त फिल्ममा पछि ऐश्वर्याको ठाउँमा करीनाको इन्ट्री भएको थियो।

बलिउडको सबैभन्दा चर्चित फिल्म मध्ये एक हो 'शोले'। उक्त फिल्ममा जया बच्चनको दमदार भूमिका छ। यही फिल्मको सुटिङका क्रममा जया गर्भवती भएकी थिइन्। 

२०१० मा काजोल दोस्रो पटक गर्भवती भइन्। त्यो समयमा काजल करण जौहरको फिल्म 'वी आर फ्यामिली' को सुटिङमा थिइन्। यो फिल्मको एक गीतमा उनले दमदार नृत्य गरेकी छन्। करण जौहरले काजोललाई सहज हुने डान्सस्टेप गराउन कोरियोग्राफरलाई भनेका थिए। फिल्म रिलिज भएको तीन दिनपछि १० सेप्टेम्बरमा काजोलले युगलाई जन्म दिएकी थिइन्।

जुही चावला प्रतिभावान अभिनेत्री मध्ये एक हुन्। फिल्म 'झङ्‍कार बीट्स'को सुटिङका क्रममा उनी गर्भवती भइन्। उनले फिल्ममा गर्भवती महिलाको भूमिका निभाएकी थिइन्। त्यसैले उनीबारे कसैले थाहा पाएनन्। 

श्रीदेवी पनि फिल्म 'जुदाई'को सुटिङका क्रममा गर्भवती भएकी थिइन्। उनले सोही समयमा आफ्नी जेठी छोरी जान्हवी कपुरलाई जन्म दिएकी हुन्। बोनी कपुरसँग श्रीदेवीको अफेयर चलिरहेको थियो। तर, बिहे भएको थिएन। सोही कारण श्रीदेवी गर्भवती भएको विषयले ठूलो चर्चा पाएको थियो।