निश्चल बस्नेतको नयाँ फिल्म आगामी तिहारमा

काठमाडौं- निश्चल बस्नेतको निर्देशनका बन्न लागेको फिल्म ‘दिमाग खराब’ आगामी तिहारको अवसरमा कात्तिक २४ गते प्रदर्शन हुने भएको छ।

जेठ पहिलो सातादेखि छायांकन सुरु हुने फिल्ममा रौनकविक्रम कँडेलले लगानी  गरेका हुन्। सोसल ड्रामा जनरामा बन्ने फिल्मका कलाकार भने तय भइसकेका छैनन्। आकाश बरालको पटकथा रहेको फिल्मको स्क्रिप्ट मनोज पण्डितले सम्हाल्नेछन्।

निर्देशकको रुपमा निश्चल बस्नेतको यो लुटपछिको लामो कमब्याक हो। उनले निर्देशन गरेको ‘लुट’ २०६९ सालमा र ‘लुट २’ २०७४ सालमा रिलिज भएका थिए।