आजका अखबार दुर्घटना र फाेरमकाे सत्ताराेहणमा केन्द्रीत

काठमाडौं- राजधानीबाट प्रकाशित शनिबारका सबैजसो राष्ट्रिय अखबारहरुले पाल्पामा भएको दुर्घटनाको खबरलाई मुख्य समाचार बनाएका छन् । साँघुरो सडकमा साइड दिने क्रममा बस १५० मिटर तल खस्दा शुक्रबार १४ जनाको मृत्यु भएको छ । 

यो कान्तिपुरले साइड दिँदा बस खस्यो १४ को मृत्यु ९ घाइते शीर्षक दिएर छापेको छ । उसले जोखिमपूर्ण यात्रा शीर्षकमा नेपालका सडकहरुको अवस्थाका दर्शाउने कभर स्टोरी छापेको छ ।  नागरिक दैनिक, अन्नपूर्ण र नयाँ पत्रिकाले पनि दुर्घटनाको खबरलाई महत्वका साथ छापेका छन् । 

यस्ते शनिबारका पत्रपत्रिकाले उपेन्द्र यादवको सत्तारोहणलाई पनि विशेष स्थान दिएका छन् । नागरिक दैनिकले फोरम सरकारमा, सत्तापक्षमा दुईतिहाइ शीर्षकमा खबर लेखेको छ भने नारा मधेश, लक्ष्य सत्ता उपशीर्षकमा अर्को खबर छापेको छ । कान्तिपुरले यसै खबरलाई सात वर्षपछि सत्ता शीर्षक दिएर छापेको छ ।