ट्याक्सीमा अब तीन ठाउँमा नम्बर प्लेट

काठमाडौं- जनगुनासो बढेपछि महानगरीय ट्राफिक प्रहरी महाशाखाले ट्याक्सीहरूमा तीन वटा नम्बर प्लेट राख्न अनिवार्य गरेको छ । 

ट्याक्सीको अगाडि र पछाडि अहिले पनि नम्बर प्लेट हुन्छन् । अबदेखि अगाडिको सिसामा पनि यात्रुले देख्ने गरी राख्नुपर्ने नियम ल्याइएको हो ।  यात्रुलाई दुव्र्यवहार गर्ने, बढी भाडा लिने तथा लुटपाटका घटनासमेत हुन थालेपछि ट्राफिक प्रहरीले कडाइ थालेको महाशाखाका एसएसपी वसन्त पन्तले जानकारी दिए । 

ट्राफिक नियम पालनामा जोड दिन थप सय जना जनपथ प्रहरी परिचालन गरिएको छ । ब्रेथ एनालाइजर, राडर गन र सीसी क्यामेराबाट निगरानी पनि बढाइएको छ ।