बजेटप्रति कामु प्रधानन्यायाधीशकै असन्तुष्टि

काठमाडौँ- सर्वोच्च अदालतका कायम मुकायम प्रधानन्यायाधीश दीपकराज जोशीले सरकारले न्यायपालिकालाई न्यून बजेट विनियोजन गरेको भन्दै अनसन्तुष्टि जनाएका छन् । 

काठमाडौँ स्कूल अफ लद्वारा आयोजित 'कानूनी समुदायमा व्यावसायिक आचरणः सिद्दान्त र अभ्यास' विषयक कार्यशालाको उद्घाटन गर्दै उनले न्यापालिकालाई सरकारले न्यून बजेट दिएको भन्दै गुनासो गरेका हुन् । उनले भने, 'सरकारसँग न्यायपालिकाका लागि आवश्यक बजेटको माग गरिए पनि गत वर्षको भन्दा न्यून बजेट विनियोजन भएको छ ।' 

प्रधानन्यायाधीश जोशीले न्यून बजेटका कारण न्यायपालिकाको कामकारवाहीमा समस्या आएको बताउँदै 'न्यायपालिकामा बजेट अभाव भएका कारण सामान्य कार्यक्रम गर्न पनि दाताको मुख ताक्नुपर्ने अवस्था रहेको छ,' बताए । 

'बजेटको एक प्रतिशत रकम न्यायपालिकाका लागि विनियोजन गर्नुपर्छ,' उनले भने  ।