बाबुकान्छा असार २९ मा रिलिज 

चलचित्र बाबुकान्छा असार २९बाट देशभर रिलिज हुने भएको छ । निर्देशक सोभित बस्नेत स्वयम्ले लेखेको बाबुकान्छामा आफ्नै छोरा सलोन बस्नेतको मुख्य भूमिका छ ।

यो चलचित्रले व्यवसायिक सफलता पाउनेमा ढुक्क रहेको बस्नेतले बताए । 

चलचित्र युवा प्रेमकथामा आधारित रहेपनि अहिलेका दर्शकलाई भरपुर मनोरञ्जन दिने निर्देशक बस्नेतले दाबी गरे । 

सामाजिक सञ्जाल फेसबुकबाट पोष्टर सार्वजनिक गर्दै बस्नेतले रिलिज डेट सार्वजनिक गरेका हुन् । चलचित्रमा रितिक शाही, ज्योस्ना महर्जन, करिष्मा श्रेष्ठ लगायतको भूमिका  छ ।