‘छामेला गोइलो’ बजारमा, अमिरसहित चर्चित कलाकारको अभिनय

काठमाडौं- तामाङ सेलो गीत ‘छामेला गोइलो’ सार्वजनिक भएको छ। बौद्धमा एक पत्रकार सम्मेलन गरी नेपाली सेलो म्युजिक युटुब च्यानलबाट गीतको म्युजिक भिडियो सार्वजनिक गरिएको हो।

विजय तामाङ र अनु लामाले लेखेको गीतमा चर्चित गायक एवम् संगीतकार विशाल काल्तान संगीत दिएका छन् भने दीपेश प्रधानले मिक्सिङ गरेका हुन्।

चाँद सिङको संगीत संयोजन रहेको गीतमा संगीतकारसमेत रहेका विशाल काल्तन र गायिका सुमिना लोको आवाज छ।

म्युजिक भिडियोमा निर्देशक एवम् तामाङ चलचित्रका अभिनेता अमिर दोङका साथै नायिका शुस्मा मोक्तान, रमेश लामा, विना लोप्चन, कुइसाङ रुम्बा र पदम दोङको अभियन छ।

म्युजिक भिडियोको निर्देशन पनि अभिनेता दोङले गरेका हुन्। विष्णु गोले र भिषण दोङको कोरियोग्राफी रहेको गीतको छायांकन त्रिलोक लामाले गरेका हुन् भने सुर्य लामाले कलर गरेका छन्।