सोना र सुगमको ‘मेरो माया करोड’ सार्वजनिक (भिडियोसहित)

काठमाडौं– गायक सुगम पोखरेल र गायिका सोना अमात्यको स्वरमा नयाँ गीत ‘मेरो माया करोड’ सार्वजनिक भएको छ। गीतमा दीपक शर्माको शब्द र संगीत तथा साहस शाक्यको सङ्गीत संयोजन छ।

भिडियोमा गायिका स्वयंले अभिनय गरेकी छन्। उनलाई सागर लम्साल ‘बले’ र गोभिन सिंह विष्टले अभिनयमा साथ दिएका छन्।

गम्भीर विष्टको निर्देशन रहेको भिडियोमा बुद्ध थापाको छायांकन, सुबोल थापाको सहायक निर्देशन, नवीन रिजालको सम्पादन र सुबम भुजेलको कोरियोग्राफी छ।

गीतको भिडियो गायिकाको आफ्नै अफिसियल च्यानलमार्फत सार्वजनिक गरिएको छ।

गायिका सोनाले अभिनेता तथा गायक मदनकृष्ण श्रेष्ठसँग ‘पल पल’ गीतबाट संगीत यात्रा आरम्भ गरेकी थिइन्। ‘म त खुल्ला छु’, ‘डाली चरी’, ‘किन आत्तिनु केलाई मात्तिनु’, ‘तिम्रो र मेरो सम्बन्ध’ लगायत गीत उनले सार्वजनिक गरिसकेकी छन् ।