रोनाल्डोको ह्याट्रिकमा युभेन्टसको जित

काठमाडौं – इटालियन सिरी ए अन्तर्गत आइतबार राति सम्पन्न खेलमा क्रिस्टियानो रोनाल्डोले घरेलु टिम क्यालिग्रीविरुद्ध ह्याट्रिक गरेका छन्।

रोनाल्डोले खेलको १०औं र २५औं र ३२औं मिनेटमा गोल गर्दै पहिलो हाफमै युभेन्टसलाई ३–० गोलको अग्रता दिलाएका थिए।

क्यालिग्रीको मैदानमा सम्पन्न खेलको दोस्रो हाफमा घरेलु टिमले एक गोल फर्काएसँगै खेलको नतिजा ३–१ बन्यो। 

यससँगै २६ खेलबाट ५५ अंक जोडेको युभेन्टस शीर्षस्थानको इन्तर मिलानभन्दा १० अंकले पछि छ।

इन्टर मिलानले गएरातिको खेलमा टुरिनको मैदानमा घरेलु टिमलाई २–१ गोलले पराजित गरेको थियो। इन्टरको जितका लागि रोमेलु लुकाकू र लाउतारो मिटिनेजले समान १–१ गोल गरेका थिए।

आइतबार रातिको अर्को खेलमा नापोलीसँग १–० गोलको हार बेहोरेको एसी मिलान ५६ अंकका साथ दोस्रो स्थानमा छ। 

मिलान डर्बीले २७ खेलमा सहभागिता जनाएका छन् भने तेस्रो स्थानको युभेन्टसले २६ खेल खेलेको छ।