अनेसासको अधिवेशन सम्पन्न

अन्तर्राष्ट्रिय नेपाली साहित्य समाज (अनेसास) जापान च्याप्टरको १० औं अधिवेशन सम्पनन् भएको छ । सोही अवसरमा ४२ औँ साहित्य श्रृंखला तथा कृति विमोचन कार्यक्रम पनि सञ्चानल गरिएको समाजका अध्यक्ष विष्णुप्रसाद घिमिरेले जानकारी दिए । 

टोकियोको सिनओकुवोमा भएको कार्यक्रममा  नेपाली दूवासका उपनियोग प्रमुख कृष्णचन्द्र अर्यालले नेपाली समाजमा सचेतना फैलाउन साहित्यले महत्वपूर्ण भूमिका खेल्ने भएकोले साहित्य सृजनामा सर्जकहरुले संवेदनशील भएर लाग्नुपर्ने बताए । नेपाली साहित्यलाई विश्वस्तरमा पुर्याउनका लागि जापानी लगायत विभिन्न भाषामा नेपाली साहित्यिक कृतिहरुको अनुवाद गर्न आग्रह गर्दै उनले यसका लागि दूतावासले आवश्यक सहयोग गर्ने बताए । 

त्यस्तै केन्द्रका उपाध्यक्ष प्रकाश पौडेल माइलाले नेपाली साहित्यलाई पनि अन्तर्राष्ट्रिय स्तरको बनाउनका लागि स्रष्टाहरुले सृजनाको गुणस्तरमा ध्यान दिनुपर्ने बताएका थिए । 

कार्यक्रममा स्रष्टा विष्णु प्रसाद घिमीरेको 'एक्लो विजेता' नामक पहिलो कविता संग्रह,अनेसास जापान को 'नेपाली डायस्पोरा' (जापान विमोचन) तथा साहित्यकार हरि कल्पितको कथा संग्रह 'आस्था' को विमोचन गरिएको थियो ।