मुलुकलाई निकास दिन मध्यावधि निर्वाचन आवश्यक : शेखर कोइराला

झापा– नेपाली कांग्रेसका केन्द्रीय सदस्य डा. शेखर कोइरालाले मुलुकलाई राजनीतिक निकास दिन मध्यावधि निर्वाचनको आवश्यकता भएको बताएका छन्। 

बिर्तामोडमा नेपाल प्रेस युनियनले बुधबार आयोजना गरेको कार्यक्रममा बोल्दै प्रतिनिधिसभा पुनःस्थापना भए पनि संसद् सही तरिकाले चल्न नसक्ने बताउँदै निर्वाचनको विकल्प नरहेको बताएका हुन्। 

‘एमाले र माओवादी फरक पार्टी भएकोले अब संसद् सही तरिकाले चल्न सक्दैन,’ उनले भने, ‘संसद् चल्न अप्ठ्यारो परिस्थिति भएपछि देशलाई अनिर्णयको बन्दी बनाउनु हुँदैन, मध्यावधि निर्वाचनमार्फत निकास दिनुपर्छ।’  

कोइरालाले अबका गतिविधि चुनावमुखी हुनुपर्ने बताउँदै त्यसैअनुरुप तयारी गर्न कांग्रेस कार्यकर्तालाई निर्देशनसमेत दिएका छन्।