मोतीपुर शिलान्यास घटनाबारे दाहाल–नेपाल समूहको ध्यानाकर्षण

बुटवल- मोतीपुर औद्योगिक क्षेत्रमा स्थानीयको विरोधबीच अर्थमन्त्री विष्णु पौडेलले शिलान्यास गरेको घटनाप्रति नेकपाको दाहाल–नेपाल समूहले ध्यानआर्कषण भएको जनाएको छ।

नेकपा दाहाल–नेपाल समूह रुपन्देहीले शुक्रबार एक विज्ञप्ति जारी गरी प्रहरीको बल प्रयोग गरी स्थानीयमाथि ज्यादती गरिएको भन्दै ध्यानआर्कषण भएको जनाएको हो। 

दाहाल–नेपाल पक्ष रुपन्देहीका अध्यक्ष राजु गुरुङ र सचिव निर्मल जिसीद्वारा जारी विज्ञप्तिमा स्थानीयको माग सम्बोधन नगरी शिलान्यास गर्नुलाई सामन्तवादको झल्कोको संज्ञा दिएका छन्।

८१३ बिगा जमिनमध्ये २५० बिगा जमिनमा विगत ५५ वर्षदेखि ३ हजार घर परिवार बस्दै आएको उल्लेख गर्दै स्थानीयहरुको मागलाई सम्बोधन गर्नुपर्ने नेकपा दाहाल नेपाल रुपन्देहीले आग्रह गरेको छ।

विकास र समृद्धिको लागि करिडोर आवश्यक भएको उल्लेख गर्दै प्रर्दशनमा घाइते भएका स्थानीय। प्रहरीको स्वास्थ्यलाभको कामना गरिएको छ।