पेचिलो बन्दै प्रतिस्पर्धा : चौथो खेलमा अष्ट्रेलिया ५० रनले विजयी

काठमाडौं- अष्ट्रेलिया-न्यूजिल्यान्डबीच जारी टी-२० तेस्ट सिरिजअन्तर्गतको चौथो खेलमा जित निकाल्दै पाहुना टिम अष्ट्रेलियाले २-२ को बराबरी गरेको छ।

वेस्टप्याक रंगशालामा आज(शुक्रबार) सम्पन्न खेलमा अष्ट्रेलियाले ५० रनको जित निकालेको हो।

टस जितेर ब्याटिङ रोजेको अष्ट्रेलियाले पुरा ओभर खेल्दै ६ विकेटको क्षतिमा १५६ रन बनाएको थियो। जवाफी ब्याटिङमा घरेलु टिम ७ बल बाँकी हुँदा १०६ रनमा अल आउट भएपछि खेल पाहुना टिमले जितेको हो.।

पहिलो इनिङमा अष्ट्रेलियाका कप्तान आरोन फिन्चले सर्वाधिक ७९ रन प्रहार गरे। मार्कस स्टोइनिस र ग्लेन म्यासवेलले क्रमशः १९ र १८ रन जोडे।

न्यूजिल्यान्डका इस सोधी र ट्रेन्ट बोल्टले क्रमशः तीन र दुई विकेट गिराए। 

न्यूजिल्यान्डलाई १५७ रनको लक्ष्य पुरा गर्न नदिन अष्ट्रेलियाका केन रिकार्डसनले तीन विकेट लिए भने अस्टन अगर, एडम जम्पा र ग्लेन म्याक्सवेलले समान २-२ विकेट गिराए।

अष्ट्रेलियाको कसिलो बलिङका बाबजुद केलिय ज्यामिसन, डेवोन कन्वेले ३० र १७ रन बनाए।

अब पाँच खेलको सिरिजअन्तर्गत अन्तिम खेल मार्च सातमा हुनेछ। उक्त खेलको विजेताले सिरिज जित्नेछ।