बुफनले २०२३ मा फुटबलबाट संन्यास लिने

काठमाडौं- पूर्व इटालियन अन्तर्राष्ट्रिय गोलकिपर तथा युभेन्टस् स्टार गियान्लुगी बूफनले २०२३ मा संन्यास लिने बताएका छन्।

उनले आफ्नो बुट चाँडै नथन्क्याउने बताउँदै संन्यासबारे आफ्नो धारणा सार्वजनिक गरेका हुन्।

४३ वर्षे फुटबल खेलाडीको सिरी ए विजेता युभेन्टससँग आउँदो समरमा सम्झौता सकिँदै छ। तर उनको सम्झौता थप हुनेबारे अहिलेसम्म सहमति हुन सकेको छैन।

‘यहाँ, मेरो निधारमा हेर्नुहोस् त, त्यहाँ मेरो खेलको अन्तिम सीमा तोकिएको छ र त्यो हो २०२३,’ बुफनले गार्डियानलाई अन्तर्वार्ता दिने क्रममा भने।

‘त्यो अधिक हो, साँच्चै नै अधिक समय हो त्यो। तर म आउँदो चार महिनापछि नै पनि संन्यास लिनचाहिँ सक्छु,’ उनले थपे।
बुफनले इटालीबाट २००६ को विश्वकप जितेका थिए। त्यसयता उनले युभेन्टसबाट सिरी एको उपाधि १० पटक जितिसकेका छन्।

तर बुफनले यसअघि २०१७ मा २०१८ मा संन्यास लिने बताएका थिए। तर उनले त्यसो गरेनन्।

बरु फ्रेन्च क्लब पीएसजीमा गएर एक वर्ष खेलेर पुनः युभेन्टस फर्किए। उनले भर्खरै आफ्नो केरियरको ११ सय अफिसियल खेल पनि पुरा गरेका छन्।