वेस्टहामविरुद्ध सिटीको संघर्षपूर्ण जित

काठमाडौं – इंग्लिस प्रिमियर लिगअन्तर्गत शनिबार साँझ सम्पन्न खेलमा लिगलिडर म्यानचेस्टर सिटीले संषर्घपूर्ण जित निकालेको छ।

सिटीको इतिहाद रंगशालामा सम्पन्न खेलमा उसले पाहुना टिम वेस्टहामलाई २–१ गोलले हराएको हो।

म्यानचेस्टर सिटीको जितका लागि रुबिन डियास र जोन  स्टोन्सले समान १÷१ गोल गरे।

डियासले खेलको ३० औं मिनेटमा गोल गर्दै सिटीलाई अग्रता दिलाएका थिए। तर त्यसको १३ मिनेटपछि वेस्टहामका एन्टोनियोले गोल गर्दै खेललाई बराबरी बनाए।

यससँगै खेलको पहिलो हाफ १–१ गोलको बराबरीमै रोकियो।

सिटीलाई जित दिलाउन दोस्रो हाफको ६८ औं मिनेटमा स्टोन्सले निर्णायक गोल गरे। यससँगै २–१ गोलअन्तर बनाएर सिटीले खेल जित्यो।

यो जितसँगै लिडलिडर सिटीले दोस्रो स्थानको युनाइटेडलाई १३ अंकले पछि पारेको छ। २६ खेल खेलिसकेको सिटी उपाधि नजिक पुग्ने बाटोमा छ।

यता पराजित वेस्टहाम ४५ अंकका साथ चौथो स्थानमा छ।