पीएसजीको सानदार जितमा एम्बाप्पेको दोहोरो गोल

काठमाडौं – फ्रेन्च लिग वानअन्तर्गत शनिबार साँझ सम्पन्न खेलमा डिफेन्डिङ च्याम्पियन पेरिस सेन्ट जर्मेन (पीएसजी)ले फराकिलो जित निकालेको छ।

डिजोनको मैदानमा सम्पन्न खेलमा पाहुना टिम पीएसजीले घरेलु टिमविरुद्ध ४–० गोलको जित निकालेको हो।

जितका लागि केलियन एम्बाप्पेले दुई गोल गरे भने मोइसे किन र डामिओ पियरेराले समान १–१ गोल गरे।

खेलको छैटौं मिनेटमा गोल गर्दै किनले पीएसजीलाई सुरुआती अग्रता दिलाएका थिए।

त्यस्तै, खेलको ३२ औं मिनेटमा पेनाल्टीमा पाएको अवसरको सदुपयोग गर्दै एम्बाप्पेले पहिलो हाफको नतिजालाई २–० बनाएका थिए।

पहिलो हाफमै दुई गोलले अघि रहेको पीएसजीले दोस्रो हाफमा पनि उतिनै गोल थप्यो।

यसपटक ५१ औं मिनेटमा एम्बाप्पेले व्यक्तिगत दोस्रो गोल गरे भने पियरेराले ८२ औं मिनेटमा गोल गर्दै खेलको नतिजालाई ४–० मा पु¥याएका थिए।

जितसँगै पीएसजीले २७ खेलबाट ५७ अंक जोडेको छ। एक खेल कम खेलेको लिल्ल ५८ अंकका साथ शीर्षस्थानमा छ भने तेस्रो स्थानको लियोनको ५५ अंक छ।