बायर्न र डर्टमन्डको सहज जित

काठमाडौं – जर्मन बुन्डेसलिगाअन्तर्गत शनिबार राति सम्पन्न खेलबाट साविक विजेता बायर्न म्युनिकले सानदार जित निकालेको छ।

बायर्नको घरेलु मैदानमै सम्पन्न खेलमा उसले कोल्नलाई ५–१ गोलअन्तरले हराएको हो।

बायर्नका लागि फरवार्ड रोबर्ट लेवान्डोस्कीले र सर्ज गन्याब्रीले समान २–२ गोल गरे भने एरिक म्याक्सिमले एक गोल गरे।

यता कोल्नका तर्फबाट इलियस खिरीले एक गोल फर्काएका थिए। गएरातिको जितसँगै ५२ अंक बनाएको बार्यन शीर्षस्थानमा छ। उसलाई ५२ अंक बनाएको लाइप्जिककले पछ्याइरहेको छ।

त्यस्तै पाँचौ स्थानमा रहेको बोरुसिया डर्टमन्डले पनि शनिबार राति ३–० गोलको सहज जित निकालेको छ।

डर्टमन्डको घरेलु मैदानमा भएको खेलमा उसले पाहुना टिम अर्मिनियाविरुद्ध सहज जित निकालेको हो।

डर्टमन्डको जितका लागि महामौड डहुड, जाडन शान्चे र जिसस कावाल्होले समान १–१ गोल गरेका थिए।

यो जितसँगै ३९ अंक बनाएको डर्टमन्ड शीर्षस्थानको बायर्नभन्दा १३ अंकले पछि छ।