काेराेनाबाट ज्यान गुमाउनेकाे परिवारलाई नगरपालिकाको राहत

मकवानपुरको थाहा नगरपालिकाले कोभिड-१९ को संक्रमणका कारण ज्यान गुमाएका परिवारलाई राहत रकम वितरण गरेको छ।

नेपाल समय | शनिबार, फागुन १५, २०७७

नेपाल समय

शनिबार, फागुन १५, २०७७

टिस्टुङ- मकवानपुरको थाहा नगरपालिकाले कोभिड-१९ को संक्रमणका कारण ज्यान गुमाएका परिवारलाई राहत रकम वितरण गरेको छ।

नगरपालिकाको आर्थिक वर्ष २०७७/७८ को नीति तथा कार्यक्रमअनुसार ज्यान गुमाएका परिवारलाई प्रतिपरिवार रु. एक लाखको दरले राहत उपलब्ध गराएको हो।

कोरोना भाइरसका कारण ज्यान गुमाएमा प्रतिपरिवार रु. एक लाख दिने सातौँ नगरसभाले निर्णय गरेको थियो।

थाहा नगरमा कोरोना संक्रमणका कारण हालसम्म पाँच जनाले ज्यान गुमाएका छन्। ज्यान गमाएका परिवारलाई नगरप्रमुख लवशेर विष्ट तथा प्रशासन महाशाखा प्रमुख अजित घिमिरेले राहत रकमको चेक हस्तान्तरण गरे।

थाहा नगरमा कोभिड-१९ बाट मृत्यु हुनेमा थाहा–२ का ७७ वर्षीय, थाहा–३ का ३३ वर्षीय पुरुष, थाहा–४ का ५१ वर्षीय, थाहा–६ को ७६ वर्षीय र १० को ४८ वर्षीय पुरुष रहेको स्वास्थ्य शाखाका मेघराज बलामीले जानकारी दिए। रासस

प्रकाशित: Feb 27, 2021| 13:15 शनिबार, फागुन १५, २०७७